Ministri i jashtëm i Iranit ka marrë një letër nga lideri suprem Ayatollah Ali Khamenei për t’ia dorëzuar Vladimir Putinit gjatë vizitës së tij në Moskë.
Letra kërkon mbështetjen e presidentit rus, raportoi Reuters.
Irani nuk është impresionuar nga mbështetja e Rusisë deri më tani dhe vendi dëshiron që Putini të bëjë më shumë për ta mbështetur atë kundër Izraelit dhe SHBA-së, sipas burimeve iraniane.
Por, burimet nuk dhanë detaje se çfarë ndihme dëshironte Teherani.
Ndryshe, Rusia, një aleate e vjetër e Teheranit, luan një rol në negociatat bërthamore të Iranit me Perëndimin si një anëtare e Këshillit të Sigurimit të OKB-së me të drejtë vetoje dhe një nënshkruese e një marrëveshjeje të mëparshme bërthamore që Trump e braktisi gjatë mandatit të tij të parë në 2018.
Putin është ofruar të ndërmjetësojë midis SHBA-së dhe Iranit.