Liz Truss ka dhënë dorëheqje nga posti i kryeministres së Britanisë së Madhe.
Duke folur në Downing Street, ajo tha se e kishte njoftuar Mbretin Charles se do të jepte dorëheqje nga pozita e udhëheqëses së Partisë Konservatore.
Para dhjetëra gazetarëve, Truss tha se e mori postin në një kohë “paqëndrueshmërie të madhe ekonomike dhe ndërkombëtare”.
“Unë e pranoj…duke pasur parasysh situatën nuk mund ta realizoj mandatin me të cilin u zgjodha nga Partia Konservatore”, tha ajo, shkruan BBC.
Truss njoftoi se do ta ushtrojë postin e kryeministres derisa të zgjedhet një pasardhës/e.