Kryetari i Drenasit, Ramiz Lladrovci, ka dhënë një deklaratë të fortë në emisionin Rubikon, ku foli për peshën elektorale që ai pretendon se do të sillte në skenë.
Lladrovci tha se, nëse do të garonte jashtë Partisë Demokratike të Kosovës, ai do të siguronte një bazë të fuqishme votash që sipas tij do të tejkalonte 80 mijë vota në nivel vendi.
“Nëse hipotetikisht po dal me Iniciativë, unë i marrë prej PDK-së 20 mijë vota biologjike. Qato 20 mijë vota i sjellin edhe nja 20 mijë familjarë dhe të tjera. Unë i marrë edhe 20 mijë vota edhe prej subjekteve tjera – duke përfshirë edhe votues të VV-së. Edhe ato i sjellin… unë më së paku i pres 80 mijë vota”, tha ai në Rubikon.