Ministri i Mbrojtjes, Ejup Maqedonci, ka deklaruar se janë gjithmonë të gatshëm të mbështesin “luftën e drejtë për liri” të Ukrainës.
Maqedonci ka thënë se ndihma, të cilën ai e quan modeste, është shumë e rëndësishme për Ukrainën në këtë fazë të vështirë të luftës së tyre për liri.
“Qeveria e Kosovës ka vendosur të ofrojë dy pako mbështetëse për Ukrainën. Pakoja e parë do të dërgohet këtë javë për në Ukrainë dhe përbëhet nga kamionë taktikë, automjete taktike dhe autoblinda ushtarake”, ka thënë ministri i Mbrojtjes për Anadolu.
Maqedonci ka treguar se pakoja e dytë përbëhet nga predha mortajash 120, 81 dhe 60-milimetërshe.
“Kurse pakoja e dytë që përbëhet nga predha mortajash 120, 81 dhe 60-milimetërshe, do të dërgohet gjithashtu së shpejti në Ukrainë”, ka shtuar ai.