Kryeministri i Shqipërisë, Edi Rama ka bërë të ditur se ai dhe homologia e tij italiane, Giorgia Meloni kanë bërë shkëmbimin e Marrëveshjes ndërmjet Këshillit të Ministrave të Shqipërisë dhe Qeverisë së Italisë mbi bashkëpunimin strategjik.
Ndryshe, kjo shënon mbledhjen e parë të përbashkët mes qeverive Shqipëri–Itali, ka bërë të ditur Rama.
“Romë – Shkëmbimi i Marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Italisë mbi bashkëpunimin strategjik në kujdesin shëndetësor, energjinë, mjedisin, industrinë e sigurisë dhe mbrojtjes, menaxhimin e migracionit, arsimin, inovacionin, diasporën, transformimin ekonomik dhe rritjen e zgjuar”, ka shkruar Rama.
Ky format bashkëpunimi ndërqeveritar G2G shihet një risi në marrëdhëniet mes dy vendeve.