Rodrygo Goes mund të largohet nga Real Madridi në fund të sezonit.
Anësori brazilian thuhet se është i pakënaqur me rolin e tij, duke u ndjerë i lënë në hije nga treshja yjore e klubit: Kylian Mbappe, Vinicius Jr dhe Jude Bellingham.
Disa tifozë të Barcelonës shpresojnë që klubi i tyre do të përfitojë nga situata dhe do ta sjellë atë në Camp Nou.
“Eja te Barca, o Zot. Do të kesh gjithë respektin e botës. Deco, bëji një ofertë Perezit!”, shkroi një tifoz.
Një tjetër tifoz komentoi: “Rodrygo, nëse do të hakmerresh ndaj minjve që drejtojnë Madridin, dyert janë të hapura”
Vlera e Rodrygos në treg aktualisht vlerësohet në 100 milionë euro.
