Trajneri i PSG-së, Luis Enrique, humbi qetësinë pas humbjes 3-0 ndaj Chelseat në finalen e Kupës së Botës për Klube FIFA 2025.
Pas përfundimit të ndeshjes, ai u përfshi në një incident mes Joao Pedros dhe portierit Gianluigi Donnarumma.
Enrique reagoi në mënyrë të papritur dhe agresive, duke u përpjekur ta kapte për qafe lojtarin Joao Pedro.
Më pas, ai e shtyu Pedron përtokë, duke shkaktuar tensione të mëdha në fushë pas ndeshjes.
Veprimi i tij pritet të mos kalojë pa pasoja, dhe sipas “Mundo Deportivo”, trajneri spanjoll mund të përballet me pezullim.
Raportohet se Enrique rrezikon të paktën tre ndeshje jashtë pankinës për sjelljen e tij të papërshtatshme.
FIFA pritet të shqyrtojë incidentin dhe të vendosë zyrtarisht për masën disiplinore që do të merret ndaj tij.