Energjia elektrike në vendin tonë, vazhdon që vende vende të mos jetë fare stabile e sikur të mos mjaftonte ky problem, tash janë shfaqur edhe disa telashe të tjera për konsumatorët kosovarë.
Shumë qytetarë në vend, zgjidhjen e problemeve me rrymën e kanë tejet të vështirë ta gjejnë, për shkak se kompania e KEDS-it që e ka për obligim ti furnizojë me energji elektrike, është tejet e papërgjergjshme në punën e saj.
Një numër i madh i ankesave kanë ardhur vetëm sot në adresën elektronike të Telenews.al, e shumica e të ankuarve janë qytetarë nga mërgimi, të cilët thonë se ju është shkyqur energjia elektrike, ngase nuk janë banorë rezidentë, e s’kanë pasur se si ta paguajnë atë ndryshe.
Sipas qytetarëve, ata po drejtohen nëpër pikat e KEDS-it për ti kryer pagesat, por ato janë të mbyllura e ekipet mobile të terenit, kur ka prishje, por edhe në raste të rikyçjeve, vonohen ose nuk përgjigjen fare.
Tash, kur jemi disa orë larg ndërrimit të motmoteve apo vitit të ri, duket se disa nga mërgimtarët tanë, do ta presin në terr këtë festë, të zhgënjer që edhe pse 23 vite nga përfundimi i luftës, problemet nuk kanë fund në vendin, ku atyre ju rrah zemra më së shumti.
/Telenews.al/