Ministria e Financave ka kërkuar nga komunat që të rikonfirmojnë listat e pagave për mësimdhënsit, duke ua rikujtuar obligimet ligjore, që sipas kësaj ministrie, kanë nga neni 18 i Ligjit për Greva.
Tutje, ministra dha se komunat duhet të vendosin nëse do të procedojnë pagat për mësues si paradhënie për orët e shtatorit që do të zëvendësohen sipas kalendarit të ri mësimor të miratuar nga MASHTI.
“Pas përfundimit të procedurave dhe rikonfirmimit të listave nga OB-të që paradhënia procedohet në përputhje me kalendarin e ri mësimor, Thesari do të procedojë sot me ekzekutim të pagave”, thuhet në njoftimin e ministrisë.
“MASHTI ka miratuar kalendarin e ri mësimor që parasheh mbajtjen e orëve të Shtatorit, duke siguruar kështu edhe ligjshmërinë e shpenzimit të parasë publike”.
Tutje, kjo ministri ka thënë se mbetet gjithnjë e përkushtruar për mirëqenie të qytetarëve, por duke u siguruar se para publike shpenzohet në përputhje me legjislacionin në fuqi.