Kanë përfunduar mbrëmë ndeshjet çerekfinale në dy garat e tjera evropiane si Liga e Evropës dhe Liga e Konferencës.
Në katër ndeshjet e zhvilluar ka pasur spektakël, me Tottenham që eliminoi Eintracht Frankfurtin dhe Man Utd që me përmbysje mposhti Lyonin.
Manchester United, Tottenham Hotspur, Bodo/Glimt dhe Athletic Bilbao janë skuadrat që kanë shkuar në gjysmëfinale të Ligës së Evropës.
Tanimë dihen edhe çiftet gjysmëfinaliste, me Manchester United që do të përballet me Athletic Bilbao.
Ndërkohë gjysmëfinalja tjetër është mes Tottenham Hotspur dhe norvegjezëve të Bodo/Glimt që eliminuan Lazion.
Ndërkohë në Ligën e Konferencës në gjysmëfinale kanë shkuar Fiorentina, Chelsea, Djurgarden dhe Real Betis.
Në gjysmëfinale do të takohen Chelsea – Djurgarden dhe Real Betis – Fiorentina.