Milani ka regjistruar edhe fitoren e pestë radhazi, duke vazhduar kështu rrugën drejt titullit të kampionit në Serie A.
Skuadra e drejtuar nga Stefano Pioli shënoi fitore sonte ndaj Atalantas, në ndeshjen e vlefshme për javën e 37-të dhe të parafundit.
Ndeshja e zhvilluar në “San Siro” përfundoi me rezultatin 2:0.
Rafael Leao (56’) dhe Theo Hernandez (75’) shënuan golat e fitores për “Rossonerët”.
Milani pas kësaj fitore ka 83 pikë në pozitën e parë, pesë më shumë se Interi i pozitës së dytë. Por, “Nerazzurrët” tani janë me një ndeshje më pak.
Kurse, Atalanta është e teta me 59 pikë.