Ministri i Bujqësisë, Faton Peci ka bërë të ditur se gjatë ditës së sotme vetura në të cilën ndodhej ai, është përfshirë në një aksident.
Peci ka thënë se kjo ka ndodhur teksa ishte rrugës në një nga vizitat e tij të përjavshme në terren.
Ai ka njoftuar se ka pësuar lëndime të lehta, por pa pasoja serioze.
“Të dashur qytetarë, miq e dashamirë,
Gjatë vizitave në teren sot vetura në të cilën ishim, u godit nga një veturë tjetër ku për shkak të kësaj, pësuam lëndime të lehta por pa pasoja serioze.
Ju falenderoj të gjithëve që keni shprehur shqetësim e kujdes ndaj meje dhe shoqëruesit tim”, ka shkruar Peci.