Ministrja e Tregtisë dhe Industrisë, Rozeta Hajdari, ka thënë se 70 për qind e tregut me grurë do të sigurohet nga tregu vendor.
“70 për qind e tregut me grurë do të sigurohet nga tregu vendor, kjo falë subvencioneve që janë ofruar nga qeveria e Kosovës”, tha ajo në një konferencë për media me Shoqatën e Mullistëve.
Ndërsa, lidhur me ngritjen e çmimeve të produkteve bazë, ajo tha se është formuar një grup punues dhe së shpejti do të vendoset nëse do të ketë çmim tavan apo do të përdoret marzhë.
“Është grupi punues për produktet bazë, do të shihet se a do të vendoset për çmim tavan apo do të përdoret marzhë”, u shpreh Hajdari.