Kapiteni i ekipit kombëtar kroat dhe lojtari më i trofeshëm në historinë e Real Madridit, Luka Modric, luajti mbrëmë ndeshjen e tij të fundit për klubin mbretëror kundër Paris Saint-Germain, e cila përfundoi me humbje 0-4.
Gjatë 13 sezoneve të tij te Real Madridi, Modric fitoi gjithçka që mund të fitohet dhe me një total prej 28 trofesh, ai u bë lojtari me më shumë trofe në historinë e klubit të famshëm.
Ai fitoi zemrat e tifozëve të Real Madridit me sjelljen e tij dhe ishte një simbol i klubit për shkak të inteligjencës, teknikës, vizionit dhe cilësisë së lartë të tij futbollistike.
Me fanellën e Real Madridit, kroati fitoi gjashtë Liga Kampionësh, katër tituj të La Ligas, dy Kupa të Mbretit, pesë Superkupa të Spanjës, pesë Superkupa të Evropës, pesë Kupa të Botës për Klube dhe një Kupë Ndërkontinentale.
Në total, ai bëri 597 paraqitje për Real Madridin, duke shënuar 43 gola dhe duke dhënë 95 asistime.
Interesante është se ai është lojtari më i vjetër që ka luajtur një ndeshje për Real Madridin, pastaj lojtari më i vjetër që ka shënuar një gol dhe lojtari më i vjetër që ka asistuar për klubin madrilen.
Sipas të gjitha informacioneve të disponueshme, Modric së shpejti do të nënshkruajë për klubin italian, Milanin.