Një shtetas i Turqisë është arrestuar nga Policia e Kosovës në Aeroportin Ndërkombëtar të Prishtinës “Adem Jashari”, pasi dyshohet se ka tentuar të udhëtojë duke përdorur pasaportë të lëshuar në emër të një personi tjetër, transmeton Telenews.al.
Sipas Policisë, i dyshuari është ndaluar në pikën e kontrollit kufitar, ku pas verifikimeve është konstatuar se dokumenti i udhëtimit nuk i përkiste atij.
Me vendim të prokurorit kompetent, ndaj të dyshuarit është iniciuar rast penal dhe ai është dërguar në mbajtje për procedura të mëtejme hetimore.