Kryetari i PSD-së, Dardan Molliqaj, ka njoftuar se sot në emër të subjektit politik që ai drejton, u ka dërguar ftesë për bashkëpunim disa prej liderëve të partive politike opozitare.
Në ftesë figurojnë kryetarët e PDK-së, Memli Krasniqi, LDK-së, Lumir Abdixhiku, Nismës Socialdemokrate, Fatmir Limaj dhe Lëvizjes për Bashkim, Valon Murati.
Këta politikanë sipas Molliqajt, “kanë shprehur kritikat dhe mospajtimin e tyre me Qeverinë rreth çështjes së dialogut”.
“Marrëveshja që Kurti ka sjellur është e dëmshme për Kosovën. Prandaj bashkimi kundër kësaj qeverie është domosdosshmëri”, shkroi ish-deputeti Molliqaj në Facebook.
PSD-ja po ashtu ka njoftuar se të shtunën duke filluar prej orës 14:00 do të mbahet një protestë në Prishtinë kundër Marrëveshjes së Ohrit të arritur të shtunën mes Kosovës dhe Serbisë.