Telenews

Murati: Rekord biznesesh të regjistruara në tremujorin e parë të 2023-tës

Ministri i Financave, Hekuran Murati, ka bërë të ditur të shtunën se 3.086 biznese të reja janë regjistruar në tremujorin e parë të viti 2023, që sipas tij, përbën shifrën më të lartë të regjistruar ndonjëherë.

Në një postim në Facebook, Murati ka njoftuar se ekonomia e Kosovës po vazhdon zgjerimin pavarësisht krizave globale.

“Rekord numër i bizneseve të hapura në tremujorin e parë 2023. Në tremujorin e parë të vitit 2023 janë regjistruar gjithsej 3,086 biznese të reja, që paraqet shifrën më të lartë të regjistruar ndonjëherë”, ka shkruar ai.

Në sektorin e prodhimit, siç ka njoftuar Murati, janë hapur 353 biznese të reja, “gjë që e bën sektorin e dytë, menjëherë pas tregtisë”.

“Sipas komunave, prin Prishtina me 862 biznese të hapura, që len pas Ferizajn me 267 biznese të hapura, kurse në vendin e tretë është Prizreni me 261 biznese të hapura”, ka shkruar tutje ministri i Financave.

Të ngajshme

Polonia aktivizon avionët luftarakë pas sulmeve në Ukrainë

Hafize Elshani

Vrasja në Kolovicë, kërkohet paraburgim për njërin nga të dyshuarit që ishte plagosur

Donat Hashani

Aktori Lulzim Rexha diagnostikohet me kancer, ka nevojë për ndihmën tuaj

Donat Hashani