Sunny Hill Festival nisi të enjten, më 4 gusht, kur dyert u hapën në orën 12:00.
Në festivalin i cili tashmë është bërë tradicional në vendin tonë, këndoi artistja me famë botërore, Dua Lipa.
Me veshje ngjyrë rozë dhe vallëtarët me vete, artistja u kujdes që performanca e natës së mbrëmshme të mbetet gjatë në kujtimet e adhuruesve të muzikës së saj.
Në mesin e mijëra njerëzve që u mblodhën në Parkun e Gërmisë, Dua këndoi këngët e reja, duke ndezur skenën gjigante të këtij festivali.
Veç saj, edhe yjet nga vendi si Elvana Gjata dhe Kida, kënduan hitet e tyre shqiptare.
Audienca e ‘zjarrtë’ u ndez kur dy artistët dhanë maksimumin për t’i argëtuar pjesëmarrësit e këtij festivali që mbledh emra të vulosur të industrisë së muzikës.
Sunny Hill Festival vazhdon edhe sot, madje edhe dy ditë tjerë, deri më 7 gusht.
Sonte pritet të performojë ylli kolumbian J Balvin, dhe këngëtarë të tjerë të vendit tonë, për të vazhduar në netët e tjerë me Skepta dhe Diplo.
