Trepça ’89 dhe Malisheva kanë luajtur baras 0-0 në ndeshjen e vlefshme për javën e 23-të në Albi Mall Superligën e Kosovës.
Minatorët nuk kanë arritur fitore as pas tri humbjeve radhazi, pasi janë ndalur nga Malisheva, e cila vazhdon pa humbje në katër ndeshjet e fundit.
Pjesa e parë e ndeshjes u karakterizua me lojë të barabartë, me të dyja skuadrat që patën rastet e veta, por pa arritur ta tundin rrjetën.
Në pjesën e dytë, dy skuadrat krijuan më shumë, por përsëri pati pak raste dhe ndeshja u mbyll me rezultat 0-0.
Pas këtij barazimi, 89-shi e sheh veten në pozitën e tetë me 23 pikë, ndërsa Malisheva në vendin e shtatë me 25 pikë.
Në ndeshjen e ardhshme, Trepça ’89 udhëton te Drenica, ndërsa Malisheva e pret Dukagjinin.