Sekretari i Përgjithshëm i NATO-s, Mark Rutte, ka pritur në selinë e Aleancës nënsekretarin amerikan të Luftës për Politika, Elbridge A. Colby.
Gjatë vizitës, Colby u takua me Këshillin e Atlantikut të Veriut për të diskutuar forcimin e kapaciteteve të NATO-s për frenim dhe mbrojtje.
Ai i informoi aleatët edhe për rishikimin që Shtetet e Bashkuara po i bëjnë aktualisht pozicionimit të forcave të tyre ushtarake në Evropë.
Rutte rikujtoi se Colby kishte përdorur më herët këtë vit termin “NATO 3.0”, duke mbështetur një Evropë më të fuqishme brenda një Aleance më të fortë, ku SHBA-ja dhe aleatët e saj e ndajnë në mënyrë më të drejtë përgjegjësinë për sigurinë e përbashkët.
Sipas NATO-s, përparimi i shënuar në samitin e fundit në Ankara, përfshirë rritjen prej 139 miliardë dollarësh të shpenzimeve të mbrojtjes nga aleatët evropianë dhe Kanadaja gjatë vitit 2025, dëshmon hapat drejt një Aleance më të fuqishme.
Vendet anëtare të NATO-s e mirëpritën informimin lidhur me rishikimin e pozicionimit të forcave amerikane dhe theksuan rëndësinë e vazhdimit të bashkëpunimit.