Nvidia ka njoftuar se qeveria amerikane i kishte thënë javën e kaluar se çipi H20 kërkonte një leje për t’u shitur në Kinë, përfshirë Hong Kong-un.
Prodhuesi i mikroçipave Nvidia ka njoftuar se do të goditet me 5.5 miliardë dollarë në kosto pasi qeveria amerikane shtrëngoi rregullat e eksportit në Kinë.
Gjigandi i prodhimit të çipave, i cili ka qenë në zemër të bumit të inteligjencës artificiale (AI), do të kërkojë licenca për të eksportuar çipin e tij H20 AI në Kinë, i cili ka qenë një nga më të njohurit e kompanisë.
Rregullat vijnë në mes të një lufte tregtare në përshkallëzim midis SHBA-ve dhe Kinës, me të dyja vendet që vendosin tarifa të larta tregtare ndaj njëri-tjetrit që mbulojnë mallra të ndryshme.
Nvidia ka njoftuar se qeveria amerikane i kishte thënë javën e kaluar se çipi H20 kërkonte një leje për t’u shitur në Kinë, përfshirë Hong Kong-un.
Gjigandi i teknologjisë ka thënë se zyrtarët federalë i kishin këshilluar se kërkesa për licencë “do të jetë në fuqi për një të ardhme të pacaktuar”.
Qeveria “tregoi se kërkesa për licencë trajton rrezikun që produktet e mbuluara mund të përdoren ose të devijohen në një superkompjuter në Kinë”.
Marc Einstein nga konsulenca Counterpoint Research ka thënë për median britanike BBC se goditja prej 5.5 miliardë dollarësh e vlerësuar nga Nvidia ishte në përputhje me vlerësimet e tij.
“Teksa këto janë sigurisht shumë para, kjo është diçka që Nvidia mund ta përballojë”, ka thënë ai.
“Por siç e kemi parë në ditët dhe javët e fundit, kjo mund të jetë kryesisht një taktikë negociuese. Nuk do të habitesha të shihja disa përjashtime ose ndryshime të bëra në politikën tarifore në të ardhmen e afërt, duke pasur parasysh që kjo ndikon jo vetëm në Nvidia, por në të gjithë ekosistemin gjysmëpërçues të SHBA”, ka shtuar Einstein.