Njëra nga banoret më të përfolura të këtij edicioni të Big Brother VIP Albania, Brikena Selmani, ndodhet sonte përballë një televotimi të rëndësishëm.
Ajo është në garë të drejtpërdrejtë me banorët Mateo, Selin dhe Gimbo, në një televotim që pritet të vendosë fatin e njërit prej tyre në shtëpinë më të famshme në Shqipëri.
Ndërkohë, përmes rrjeteve sociale është bërë një thirrje nga familjarët e Brikenës, të cilët u kanë kërkuar ndjekësve dhe mbështetësve të saj që ta votojnë për ta ndihmuar të vazhdojë rrugëtimin në këtë format.
Në postimin e publikuar, kërkohet mbështetja e publikut përmes votës, në mënyrë që ajo të qëndrojë edhe më gjatë në garën e BBVA.
