Telenews

Ofertë zyrtare në tavolinë, klubi i Serie A në sulm për Dakun

Mirlind Daku pëlqehet në Serie A.

Sipas medias ruse, “Match  TV”, për sulmuesin kuqezi ka interesim nga Cagliari.

Klubi nga Sardenja ka bërë një propozim zyrtar për Rubin Kazan, me ofertën që do të merret në shqyrtim.

Mundësitë që Daku të largohet nga Rusia janë të mëdha, pasi ai nuk preferohet më në këtë vend, pas ofendimeve që bëri ndaj serbëve e maqedonasve gjatë ndeshjes së Europianit.

Kontrata me skuadrën aktuale zgjat deri në fund të qershorit 2026, por gjërat nuk po shkojnë si duhet dhe një “divorc” mes palëve është mjaft i mundshëm.

Ai numëron deri tani 10 gola e 4 asiste, në 28 ndeshje të zhvilluara me skuadrën e Rubin Kazan.

Trajneri i këtyre të fundit e ka mbrojtur publikisht atë pas incidenteve të Europianit, deklarata të cilat shihen si të përgjithshme dhe që mund të pasqyrojnë situatën reale në ambientin e klubit.

26-vjeçari e shikon kalimin në elitën italiane si një shans për të treguar veten.

Te Cagliari kanë gati të plotësojnë dëshirat e lojtarit, duke marrë parasysh faktin se ekipi ka nevojë për dikë, i aftë të sigurojë gola.

Në Serie A, ka mjaft yje kuqezi, të cilët luajnë prej vitesh aty.

Futbollisti i kombëtares, Daku ka luajtur më parë në Kosovës për Llapin e Ballkanin, në Shqipëri për Kukësin, ndërsa në Slloveni për Murën. Me interes të madh pritet të shihet cila do të jetë e ardhmja e tij, me verën që duket e nxehtë.

Të ngajshme

Kurti takon xhudistët para Lojërave Olimpike “Paris 2024”: Krenarë jemi, krenarë na bëni!

Erzana Fazliu

Muriqi afër transferimit te Ipswich Town

Erzana Fazliu

UEFA publikoi renditjen e re, zbulohet pozicionimi i klubeve kosovare

KushtrimGuraj