Presidentja, Vjosa Osmani, e ka pritur në takim komandantin e KFOR-it, gjeneralmajor Ozkan Ulutash.
Në njoftimin e Presidencës thuhet se në takim është diskutuar për zhvillimet e fundit në fushën e sigurisë
“Në takim u diskutua për zhvillimet e fundit në fushën e sigurisë, me ç’rast Komandanti ka prezantuar vlerësimet e situatës së sigurisë në vend nga ana e KFOR-it, si dhe e ka njoftuar Presidenten Osmani për veprimet që po ndërmerren në këtë drejtim”, thuhet në njoftim.
Osmani e ka falënderuar komandantin e KFOR-it për angazhimin e tij personal, si dhe të gjithë ushtarët e KFOR-it për mirëmbajtjen e paqes dhe të sigurisë në vend.
Gjithashtu gjatë së premtes, Osmani e ka pritur në takim edhe ambasadorin italian, Antonelle De Riu.