Presidentja e Kosovës, Vjosa Osmani, ka njoftuar për takimin e saj me shqiptarët që jetojnë në Shtetet e Bashkuara të Amerikës, konkretisht në Teksas.
Me anë të një postimi në Facebook, Osmani ka thënë se shqiptarët e Amerikës janë urë e fuqishme e aleancës së Kosovës me SHBA-të.
“Shqiptarët e Amerikës janë ura më e fuqishme e aleancës së Kosovës me SHBA-të. Kënaqësi t’i takoja në Teksas dhe t’i përgëzoj për të arriturat e tyre të jashtëzakonshme”.
Ajo thekson se përgjatë kohërave sfiduese, “ata ishin dhe janë ambasadorë të Kosovës, avokatë të kauzave tona dhe përkrahës të vendosur të aspiratave tona kombëtare”.