Policia e Kosovës ka kryer sot bastisje në një depo në Zveçan. Bastisja është kryer në një depo të ushqimeve dhe pijeve në pronësi të Dragan Nedlkoviqit, babait të terroristit Stefan Nedelkoviq, të vrarë gjatë sulmit në fshatin Banjskë më 24 shtator.
Depoja ndodhet në hyrje të Zveçanit.
Zëvendëskomandanti i policisë në veri, Veton Elshani tha se aksioni është realizuar nga Krimet Ekonomike të Policisë së Kosovës.