Ka përfunduar pa fitues ndeshja derbi mes Manchester United dhe Chelseat, e vlefshme për Premierligë.
Ndeshja e zhvilluar në “Old Trafford” u mbyll me barazim 1:1.
Pjesa e parë u mbyll ashtu siç edhe nisi, pa gola të shënuar.
Marcos Alonso shënoi për Chelsean në minutën e 60-të për t’i kaluar mysafirët në epërsi.
Por, e shpejtë ishte përgjigjja e “Djajve të Kuq”. Ishte Cristiano Ronaldo i cili shënoi dy minuta më vonë.
Me këtë barazim, Chelsea shkon në kuotën e 66 pikëve në vendin e tretë, gjashtë më shumë se Arsenali në vendin e katërt.
Në anën tjetër, Manchester United mbetet i gjashti me 55 pikë të grumbulluara.