Pas karrierës më shumë se 10-vjeçare, njëri prej arbitrave më të mirë të futbollit në Kosovë, Besfort Kasumi është pensionuar.
Kasumi, i shpallur një herë Gjyqtari i Vitit në futbollin e Kosovës, me qindra ndeshje të gjykuara në futbollin vendor si dhe mbajtës i stemës së FIFA-s qe pesë vjet, ka vendosur të largohet nga zeja e gjyqtarit këtë vit.
Ai nuk do të gjykojë me ndeshje të futbollit në Kosovë. Paparaci mëson se Kasumi ka vendosur të pensionohet nga profesioni i gjyqtarit, mirëpo ai do të mbetet pjesë e futbollit, përkatësisht Federatës së Futbollit të Kosovës.
Kasumi ishte njëri ndër gjyqtarët më cilësor në elitën e futbollit kosovar, ndërsa ishte shpallur si gjyqtari më i mirë për vitin 2015.
Përpos Superligës së Kosovës, Kasumi ishte certifikuar edhe me stemën e FIFA-s, meqë rast arriti të gjykonte dhjetëra ndeshje të nivelit ndërkombëtar.