Telenews

Penza kualifikohet në finale të Ligës Unike

Penza është kualifikuar në finale të Ligës Unike për Femra, duke mundur Bashkimin në gjysmëfinale me shifrat 83:57 (13:17, 21:10, 23:14, 26:16).
Fillimi i ndeshjes ishte i barabartë, ku Penza e nis me një seri prej 5:0, por më pas rikthehen prizrenaset, duke barazuar rezultatin dhe zhvillohet një lojë e barabartë, ndërsa në fund të çerekut të parë, me katër pikë nga skuadra prizrenase, kjo pjesë përfundon 13:17.
Pas pesë minutave të barabartë në periudhën e dytë, vashat pejane morën lojën në duar, duke qenë më të mira në parket, ku krijuan epërsi prej 13 pikësh, 34:21, ndërsa pjesa e parë përfundon 34:27.
Skuadra pejane vazhdoi me lojë të mirë edhe në periudhën e tretë, duke thelluar edhe më shumë epërsinë, që shkoi deri në 17 pikë, 54:37, kurse rezultati në semafor pas 30 minutash ishte 57:41.
Në dhjetë minutat e fundit, vashat pejane menaxhuan lojën dhe ngritën epërsinë, duke triumfuar në fund me shifrat 83:57. Penza në finale do të ndeshet me fituesin e ndeshjes Prishtina-Flamurtari, që zhvillohet nga ora 19:00.
Te Penza u dallua Rael Ëhitsitt me 24 pikë e 18 kërcime, Valbona Bytyqi me 19 pikë dhe Narlyn Mosquera me 16 pikë, kurse te Bashkimi u dalluan Era Shatri me 17 pikë dhe Porsche Poole me 17 pikë.
Orari
24 Mars
16:00 Ndeshja për vendin e tretë
19:00 Finalja

Të ngajshme

Kurti në stadiumin “Fadil Vokrri” duke parë futboll, shtyn takimin me Escobar’in dhe Lajçak’un

Flaka Ajeti

Plisat hedhin fishekzjarre në fushë (VIDEO)

Donat Hashani

Më në fund zyrtare: Ardian Nuhiu trajneri i ri i KF Shkëndijës

Flaka Ajeti