Telenews

“Për tre deri në 6 muaj Ballkani i Hapur do të harrohet”

Analisti politik, Halil Matoshi, ka thënë të enjten se brenda periudhës 3 deri më 6 muaj, “Ballkani i Hapur”, do të harrohet.
Ai këtë e argumenton mbi atë që amerikanët ia kanë dhënë vetëm një gjysmë mbështetje kësaj nisme rajonale.
Po ashtu ka përmendur një sërë të ideve që kanë dështuar, duke e përfshirë edhe këmbimin territorial të propozuar nga presidenti i atëhershëm Hashim Thaçi, në vitin 2018.
“Tre janë argumentet me të cilat Gabriel Escobar nuk ua prishi qefin ballkanasve dhe njikohësisht nuk e fajësoi Kosovën për qëndrimin kundër: a) Të gjithë dhe të barabartë (Parimi i sovranitetit të pjesëmarrësve); b) Jo projekt politik por ekonomik!(Parimi i besueshmënisë që âsht postulat politik); c) Janë disa nisma rajonale dhe nuk pranohet DUBLIFIKIMI; (Parimi i legalitetit të BE-së në qendër – Procesi i Berlinit)”, ka shkruar ndër tjerash Matoshi në Facebook.
Më 7 dhe 8 qershor në Ohër të Maqedonisë së Veriut është mbajtur samiti i “Ballkanit të Hapur”.
Pos Shqipërisë, Serbisë dhe Maqedonisë së Veriut, kësaj radhe kanë marrë pjesë edhe Bosnje dhe Hercegovina si dhe Mali i Zi.
Kosova vazhdon ta kundërshtojë këtë projekt, duke pretenduar se nuk garanton paqe e stabilitet afatgjatë.
Ndërkaq, as Rusia nuk ka dalë kundër “Ballkanit të Hapur”, ministri i Jashtëm rus, Sergei Lavrov, ka thënë të hënën gjatë një konference për media në Kremlin se “Ballkani i Hapur është iniciativë e Serbisë”, madje ka akuzuar NATO-n dhe Bashkimin Evropian që duan “Ballkan të mbyllur”.

Të ngajshme

Treg kokaine në pyll, dënohen dy shqiptarë në Francë

KushtrimGuraj

Foto e rrallë e heroit Jusuf Gërvalla me vajzën Donikën, sot Ministre

KushtrimGuraj

Rusi, reperi i njohur bën vetëvrasje për të mos shkuar në luftë

KushtrimGuraj