Presidenti i Real Madridit, Florentino Perez thotë se kampioni spanjoll dhe evropian nuk ishte në listë për ta transferuar Erling Haalandin.
Kreu i klubit spanjoll ka folur edhe për Karim Benzeman, për të cilin mendon se është më i miri në botë në pozitën e tij.
“Ne e kemi numrin 9 më të mirë në botë dhe nuk do ta merrnim kurrë Haalandin për ta mbajtur në bankinë”, deklaroi kreu i klubit madrilen për emisionin “El Chiringuito”, përcjell “Gazeta Express”.
Gjithashtu, ai ka folur edhe për Kylian Mbappen, duke e konfirmuar se i ka mbetur hatri që sulmuesi francez mbeti në Paris Saint-Germain, ndërsa kishte thënë vazhdimisht se e kishte ëndërr transferimin në “Santiago Bernabeu”.
E sa i përket Zinedine Zidanet, Perez ka thënë se ka menduar gjithmonë se ishte një njeri i Real Maddiridt dhe i Kombëtares franceze, por që mund ta ndërrojë mendjen nëse ndodh që “Zizou” ta marrë në dorë klubin francez. /Gazeta Express/
The post Perez: E kemi sulmuesin më të mirë në botë, s’do ta transferonim Haalandin për ta lënë në bankinë appeared first on Gazeta Express.