Telenews

Përleshja në Kuvend – Deputetët dhe zv.kryeministri pajtohen që çështja të zgjidhet me ndërmjetësim

Me pajtim të palëve në procedurë, lënda ndaj zëvendëskryeministrit Besnik Bislimi dhe deputetëve Hajdar Beqa, Bekim Haxhiu dhe Mergim Lushtaku, për përleshjen e ndodhur më 13 korrik 2023 në Kuvendin e Kosovës, ka shkuar në ndërmjetësim.

Gjykata u ka propozuar palëve që ta zgjidhin çështjen me ndërmjetësim, dhe nëse palët pajtohen aktakuza hidhet poshtë sikur të mos ketë ekzistuar asnjëherë.

Avokatët e palëve por edhe vetë palët individualisht janë dakorduar që kjo çështje të shkojë me procedurë të ndërmjetësimit.

Gjykata merr vendim që ky rast të dërgohet në ndërmjetësim, “nëse arrihet marrëveshje unë e hedh aktakuzën”, thotë gjykatësi, nëse nuk arrihet, atëherë kthehet çështja në procedurë penale.

Mbrojtësi i të akuzuarit, Besnik Bislimi, avokati Florent Latifaj tha se pas konsultimit me të mbrojturin e tij, pajtohen që kjo lëndë të shkojë në procedurë të ndërmjetësimit.

Edhe mbrojtësi i të akuzuarit Hajdar Beqa, avokati Hajzer Salihu tha se do t’ia japin një shans procedurës së ndërmjetësimit.

Po ashtu, edhe mbrojtësja e të akuzuarit Mergim Lushtaku, avokatja Besjana Ismajli e mbështeti deklarimin e avokatit Salihu, e cila tha se pajtohen që kjo lëndë të shkojë në ndërmjetësim.

Gjithashtu, mbrojtësi i të akuzuarit Bekim Haxhiu, avokati Ardian Megjani, u pajtua që lënda të shkojë në ndërmjetësim.

E që kjo lëndë të shkojë në ndërmjetësim u pajtua edhe i dëmtuari, ministri i Financave, Hekuran Murati, si dhe prokurorja Nebahate Salihu.

Foto/ Anduena Bajqinofci

source

Të ngajshme

Kurti uron kryeministrin Mickoski për pozitën e re: Mezi pres t’i forcojmë marrëdhëniet bilaterale me Maqedoninë e Veriut

Donat Hashani

Deklarata brilante e Daliqit për futbollistin e tij: “Këtij lojtari i kërkoj falje, e meriton”

Donat Hashani

Lajçak për Draftin e Asociacionit: Nuk do të propozoja kurrë diçka që nuk do ta propozoja për vendin tim

Donat Hashani