Policia e Kosovës ka bërë të ditur për një rast të përleshjes në Prizren, ku ishin të përfshirë tre burra dhe një grua.
Rasti ka ndodhur në rrugën “Haxhi Tahsini” në Prizren, të hënën në ora 20:30.
“Tre meshkuj kosovarë dhe një femër kosovare kanë pësuar lëndime trupore gjatë një përleshje që ka ndodhur ndërmjet tyre pas një mosmarrëveshje”, thuhet në raport.
Lidhur me rastin është arrestuar e dyshuara femër kosovare dhe pas intervistimit me vendim të prokurorit është dërguar në mbajtje.