Policia ka folur në lidhje me shpërthimin e veturës së ushtruesit të detyrës së drejtorit të QKUK-së, Osman Hajdari.
Zëdhënësi i policisë për rajonin e Prishtinës, Agron Borovci ka bërë të ditur se nuk ka të lënduar nga incidenti përpos dëmeve materiale.
“Rreth orës 10:00, është pranuar informata lidhur me dyshimet për një shpërthim në një veturë në parkingun e QKUK-së. Aktualisht nuk raportohet për të lënduar përveç dëmeve materiale. Policia me të gjitha njësitë relevante ka dalë në vendin e ngjarjes dhe po trajton rrethanat që karakterizojnë ngjarjen”, ka dekalaruar Borovci.