Portugalia ka kaluar në epërsi ndaj Republikës së Çekisë, pasi në minutën e dytë të shtesës(92) shënoi gol Conceição.
Me golin e Conceição në minutat e fundit të lojës, ajo siguroi fitoren në lojën e parë të saj në Kampionatin Evropian “Euro 2024” që po mbahet në Gjermani.
Kundërpërgjigjet Portugalia, barazon rezultatin ndaj Çekisë
Portugalia ka arritur të barazojë rezultatin ndaj Çekisë vetëm shtatë minuta pasi pranoi golin nga kundërshtari.
Ishte Hranáč, ai që shënoi autogol në minutën e 69-të të ndeshjes, pasi topi devijoi dhe përfundoi në këmbën e tij.
Ndërsa, në minutën e 87-të ra edhe një gol në portën çeke, por ishte VAR dhe gjyqtarët ata që anuluan atë.
Çekia shënon gol ndaj Portugalisë
Kombëtarja e Republikës së Çekisë ka shënuar gol ndaj Portugalisë.
Ishte lojtari çek Provod, ai i cili e dërgoi në epërsi Çekinë në minutën e 62-të, duke “shtangur” favoritin e kësaj përballjeje.
Ai goditi topin fuqishëm nga një distancë në mënyrë direkte, duke “shpuar” portën e kundërshtarit.
Portugalia shkon për gjithçka ose për asgjë ndaj Çekisë – formacionet zyrtare