Telenews

Prishtina arrin çerekfinalen e Kupës, duke mposhtur Ballkanin pas vazhdimeve

Prishtina ka arritur të fitojë në vazhdime me rezultat 1-2 në udhëtim te Ballkani, pasi ndeshja e rregullt u mbyll baras 1-1, në ndeshjen e vlefshme për çerekfinalen e Kupës së Kosovës dhe ka kaluar tutje në gjysmëfinale.
Kryeqytetasit kanë arritur të marrin një fitore të madhe e cila i dërgon në mesin e katër skuadrave më të mirë në Kupën e Kosovës.
Pjesa e parë e ndeshjes u karakterizua me lojë thuajse të barabartë, por me Prishtinën më konkrete duke shënuar golin e vetëm në këtë pjesë.
Goli i vetëm në këta 45 minutat e parë erdhi në minutën e 24-të dhe ishte Qëndrim Zyba, i cili shënoi për 0-1 pas një gabimi të portierit Stivi Frashëri.
Në pjesën e dytë, u zhvillua lojë më e hapur me më shumë raste nga të dyja skuadrat, por me vendasit më kërkues, duke arritur t’i shënojnë dy gola, por vetëm njeri ishte i rregullt.
Pas disa rasteve të krijuara pa sukses, Ballkani gjeti golin në minutën e 66-të me anë të Blendi Baftiut, i cili shënoi me kokë për 1-1 pas asistimit të Armend Thaqit.
Ballkani pas minutës së 80-të mbeti pa një lojtarë, pasi Albin Rrahmani u ndëshkua me të kuq pas rishikimit të VAR-it, pas një ndërhyrje nga mbrapa ndaj Mendurim Hotit, por kjo se ndaloi të gjejnë golin në minutat shtesë me anë të Thaqit, gol i cili u anulua për pozitë jashtë loje dhe ekipet shkuan në vazhdime.
Në vazhdimin e parë, Prishtina arriti të shënojë pas vetëm gjashtë minutave me anë të Besnik Krasniqit, i cili shënoi për 1-2.
Në vazhdimin e dytë, Ballkani u hodh i gjithi në sulm duke rrezikuar disa herë me anë të Thaqit, Dellovës dhe Hoffman, ndërsa Prishtina me Sulley Sadam dhe Gauthier Mankenda, por pa sukses.
Në minutat shtesë të ndeshjes, gjyqtari Dardan Çaka shpërndau edhe tre kartonë të kuq, një për Sulley për sjellje të parregullt, një tjetër për Theofilius Solomon shkaku i një goditje me bërryl ndaj Bujar Pllanës dhe një karton të dytë të verdhë dhe pastaj të kuqin për Erando Karabecin.
Kështu, pas 120 minutave lojë, Prishtina arriti një fitore të madhe 1-2, fitore e cila e dërgon në gjysmëfinale të Kupës së Kosovës, nga ku do të kërkoj kalimin në garat evropiane.

Të ngajshme

Portugalia fiton thellë ndaj Zvicrës, kualifikohet në çerekfinale

KushtrimGuraj

Vuçiq bëri tifo për Japoninë kundër Kroacisë, por nuk e uroi Pllenkoviqin për rezultatin

KushtrimGuraj

Formacionet zyrtare: Portugali – Zvicër, Xhaka e Shaqiri nga fillimi – Ronaldo në bankën rezervë

KushtrimGuraj