Presidenti i Turqisë, Recep Tayyip Erdogan ka dhënë një përgjigje interesante – që është bërë virale në rrjetet sociale – kur është pyetur se pse presidenti amerikan Joe Biden nuk e ftoi në takimin e tij me gjashtë vende anëtare të NATO-s.
Aty, siç raportojnë mediat turke, njëri nga gazetarët i kujtoi presidentit Erdogan raketën që ra në territorin e Polonisë anëtare të NATO-s mbrëmë dhe tha: “Presidenti i SHBA-së, Joe Biden mbajti një tjetër takim në hotel me shumë vende anëtare të NATO-s. Pse nuk ishit atje? Shihni ndonjë ndarje mes anëtarëve të NATO-s?”.
Dhe kësaj pyetjeje Erdogan iu përgjigj: “Gjashtë shtete u mblodhën. Pse nuk pyet 20 vendet e tjera anëtare të NATO-s? … Nuk ishte aq e rëndësishme, na ftojnë në punë të rëndësishme. Nuk kemi nevojë të shkojmë në çështje të parëndësishme. Mirë?”.
Muhabir:
Biden, NATO üyesi birçok ülke ile başka bir toplantı yaptı. Siz neden orada yoktunuz?
Cumhurbaşkanı Erdoğan:
Bizi önemli işlere davet ediyorlar. Önemsiz olan işlere gitmemize de gerek yok. Okey? pic.twitter.com/0rjvxNMugM
— ibrahim Haskoloğlu (@haskologlu) November 16, 2022