Presidenti i Rusisë, Vladimir Putin, ka thënë se të gjithë ata që janë përgjegjës për sulmin e të premtes në sallën e koncerteve në Moskë, do të ndëshkohen.
Në një fjalim të shtunën lidhur me sulmin terrorist që ka lënë të vdekur të paktën 115 persona, Putini ka deklaruar se sulmuesit janë kapur duke u munduar të iknin drejt Ukrainës.
“Të gjithë përgjegjësit do të ndëshkohen”, ka deklaruar ai.
Putini ka thënë se armiqtë nuk do të arrijnë t’i ndajnë, derisa sulmin e ka quajtur “një akt barbar terrorist”.
“Armiqtë tanë nuk do të na ndajnë”, ka shtuar presidenti rus.
Ai ka shpallur një ditë zie për viktimat e sulmit në Moskë.