Telenews

Putini mbetet pa ‘rripin e zi’, Federata ndërkombëtare e Taekwondos ia heq atë!

Pas sulmeve të shtetit të Rusisë ndaj Ukrainës dhe një lufte e cila duket se po thellohet çdo ditë e më shumë, e gjithë bota vazhdon ta godasë me sanksione të ashpra shtetin e drejtuar nga Vladimir Putin.
Bota e sportit ka pasur një reagim të ngjashëm: Rusia u përjashtua nga kualifikimet për Kupën e Botës të futbollit të këtij viti dhe Komiteti Olimpik Ndërkombëtar (IOC) u ka kërkuar federatave të përjashtojnë atletët nga Rusia, si dhe nga aleati i saj Bjellorusia.

‘Taekwondo Botërore’, e cila qeveris federatat ndërkombëtare për këtë sport, ishte e fundit që dënoi Putinin, duke thënë të martën se veprimet e Moskës ishin kundër vizionit të sportit: “Paqja është më e çmuar se triumfi”.
“Në këtë aspekt, Taekwondo Botërore ka vendosur të tërheqë rripin e zi të nderit që i është dhënë z. Vladimir Putin në nëntor 2013”, tha organi me bazë në Seul në një deklaratë zyrtare.
Ai shtoi se ngjarjet zyrtare të taekwondo-së nuk do të organizohen në Rusi apo Bjellorusi.
 

Të ngajshme

Zvicër-Gjermani, formacionet zyrtare

KushtrimGuraj

Shqipëria mbyll përgatitjet, gati për ndeshjen vendimtare ndaj Spanjës

KushtrimGuraj

Këto janë kriteret që përcaktojnë katër skuadrat më të mira nga vendet e treta news image

KushtrimGuraj