Publicisti dhe analisti Lirim Mehmetaj ka reaguar lidhur me rastin e Behajdin Allaqit dhe kërkesën e mbrojtjes së Hashim Thaçit që çështja të trajtohet publikisht dhe të bëhen të ditura dëshmitë dhe provat që pretendon se i posedon Prokuroria.
Sipas Mehmetajt, avokati i Thaçit, Luka Misetiç, ka deklaruar se Trupi Gjykues kishte urdhëruar palët të mos flasin publikisht për këtë rast, ndërsa provat e pretenduara të mbeten konfidenciale.
“Qitni provat…”, shkruan Mehmetaj, duke ngritur pyetje mbi mënyrën se si po trajtohet publikisht rasti dhe mbi provat mbi të cilat bazohen pretendimet e Prokurorisë.
Mehmetaj shprehet kritik ndaj natyrës së materialeve që, sipas tij, përbëjnë një pjesë të provave të pretenduara, duke përmendur shkrime të mediave dhe materiale të tjera.
Ai e mbyll reagimin e tij me një pyetje të drejtpërdrejtë: pse provat që pretendohet se ekzistojnë nuk bëhen publike?
Reagimi i plotë i Lirim Mehmetajt vjen në një kohë kur çështja e provave dhe trajtimit të rastit të Behajdin Allaqit është bërë pjesë e debatit publik.