Telenews

REAGON KPK: JEMI DUKE U ATAKUAR NË MËNYRËN MË TË ULËT NGA PËRFAQËSUESIT POLITIKË

Këshilli Prokurorial i Kosovës ka reaguar ndaj gjuhës së përdorur ndaj këtij institucioni, pasi vendosi që Blerim Isufaj të dekretohet nga presidentja e vendit, Vjosa Osmani, në pozitën e kryeprokurorit.
Përzgjedhja e Isufajt nga KPK-ja ka shkaktuar reagime të shumta vendore dhe ndërkombëtare.
“Këshilli Prokurorial i Kosovës (KPK), gjatë ditëve të fundit, është duke u atakuar në mënyrën më të ulët nga përfaqësuesit politikë, përfshirë këtu edhe deputetët e Kuvendit të Kosovës, individë që kanë kaluar dhe janë duke kaluar nëpër procedura penale dhe nga grupet e interesit, ku, sipas tyre, Këshilli Prokurorial dhe bartësit e funksioneve prokuroriale janë “grup dhe kokë kriminale”.
Shoqëria civile është shprehur e brengosur për propozimin e KPK-së, ndërsa ka thënë se ka gjetur shkelje të shumta dhe kërkonte kthimin e procesit në pikën zero. Teksa reagime pati edhe nga Ambasada e Amerikës, ajo e Mbretërisë së Bashkuar dhe përfaqësuesi i Bashkimit Evropian në Kosovë, Tomas Szyoung.
Tutje në reagim thuhet se, sipas tyre, gjuha shpërfaq tendencat për rrënim të sistemit prokurorial.
“Kjo gjuhë tejkalon të gjitha limitet e një gjuhe institucionale dhe shpërfaq në mënyrë të qartë tendencat e hapura për rrënimin e sistemit prokurorial”.
“KPK-ja nuk do të tolerojë që të cenohet integriteti dhe reputacioni i anëtarëve të Këshillit Prokurorial dhe i bartësve të funksioneve prokuroriale. Këshilli Prokurorial i Kosovës, si institucion i pavarur kushtetues, ua bën të qartë të gjithëve, përfshirë edhe përfaqësuesve politikë, se nuk do t’u bindet interesave politike dhe atyre të grupeve të interesit, pavarësisht tendencave të tyre,” thuhet në reagim.

Të ngajshme

Sveçla: Policia dhe AKI kanë arritur të identifikojnë kriminelët në veri

Flaka Ajeti

Hyseni: Fondi Sovran do të jetë reforma më e madhe e ekonomike në Kosovë

Flaka Ajeti

“Është kapur duke marrë lekë”, si e paralajmëroi Rama arrestimin e Sekretares së Ministrisë së Shëndetësisë

Flaka Ajeti