Mesfushori i Manchester Unitedit, Bruno Fernandes, është duke u monitoruar nga Real Madridi në Kampionatin Botëror, me planet për një transferim të mundshëm.
Ai është njëri nga futbollistët kryesorë të Portugalisë në ‘Katar 2022’ që tashmë e ka siguruar kualifikimin në 1/8 e finales.
Reali ka interesim afatgjatë për 28-vjeçarin që daton prej kohës kur ai luante te Sporting Lisbona. Dhe derisa forma e tij në Old Trafford është ngritur dukshëm, Los Blancos mund të përgatitin një ofertë.
(Foto: Getty Images)
Siç shkruan Daily Express, Madridi mund të tentojë transferimin e Brunos qoftë në janar ose në qershor.
Fernandes ka shënuar dy gola dhe ka dhuruar dy asistime deri më tani në Kampionatin Botëror në Katar.