Ashtu siç ishte paralajmëruar prej kohësh, Rita Ora, performoi ditën e djeshme (e shtunë) në Kupën Botërore të rugbit për femra në Auckland.
Ajo bëri një hyrje spektakolare, ndërsa interpretoi disa nga hitet më të njohura përfshirë “Anywhere”.
Derisa mori vëmendje të madhe me paraqitjen e mahnitshme, biondja ka sjell disa imazhe e video të tjera nga prapaskenat e këtij eventi.
Bukuroshja shqiptare zgjodhi një kostum të gjelbër shkëlqyes, duke vënë në pah këmbët e tonifikuara.
Nga Eden Park të Zelandës së Re, autorja e këngës “Lonely Together” dhuroi performancë për t’u mbajtur mend.
“Faleminderit Kupa e Botës së rugbit që më kishit mua. Shumë e nderuar që performova në hapjen e Kupës së Botës të femrave në Auckland natën e kaluar”, tha ajo.
Në ngjarje nuk mungoi as partneri i saj, regjisori Taika Waititi, i cili është një mbështetës i artistes me prejardhje nga Kosova.
U raportua se Rita dhe Taika u martuan në muajin gusht në Londër.
