Qindra fansa ishin mbledhur në sheshin ‘Skënderbej’ në mbrëmjen e kësaj të marte për të shijuar koncertin e këngëtares shqiptare me famë botërore, Rita Ora.
Mbrëmja nisi me performancën e disa prej zërave më të dashur të publikut shqiptar, si Ronela Hajati, Semi Jaupaj dhe Kida.
Por, atmosfera u ndez pasi në skenë doli Rita, e cila ishte veshur me ngjyrat e flamurit kuqezi dhe e shoqëruar nga grupi i kërcimtarëve.
Rita Ora e hapi koncertin me këngën ‘Ritual’, pastaj vijoi me ‘Body on me’, e shumë prej hiteve të saj botërore.
