Një valë e parë e reshjeve të borës dhe shiut në Shqipëri ka kaluar pa shumë trazira dhe situata emergjence, por një fluks i ri, akoma më intensiv reshjesh, pritet të vijë rreth datës 20 janar në vend.
Për këtë arsye, Forcat e Armatosura janë angazhuar tërësisht në terren, për të shmangur çdo mundësi të bllokimit të rrugëve.
“Forcat e Armatosura kanë të angazhuara në nivel kombëtar 1 mijë e 200 forca dhe 450 mjete së bashku me shërbimin zjarrfikës, atë mjekësor, Policinë e Shtetit për të ndërhyrë në çdo rast nevoje”, shkruan ai në median e tij sociale Facebook.
Në bashkitë Shkodër, Lezhë, Fier, Vlorë, Gjirokastër, Durrës e Elbasan, do të ketë monitorim më të imtë, për shkak edhe se këtu pritet të jenë problematikat më të mëdha.
Teksa, një thirrje ka shkuar për qytetarët në zonat e rrezikuara, për të bërë kujdes me lëvizjet në orët në vijim dhe për të shmangur kalimet në rrugët me prezencë uji.