Një qytetar në një shkollë në Shtime ka dëmtuar fletëvotimin e tij dhe dyshohet se ka tentuar të votojë edhe në emër të bashkëshortes së tij.
Për rastin është njoftuar Policia e Kosovës, e cila ka dalë menjëherë në vendngjarje dhe ka nisur hetimet.
Lajmin e ka konfirmuar zëdhënësi i Policisë për rajonin e Ferizajt, Kanun Veseli, i cili ka bërë të ditur se rasti është duke u trajtuar nga hetuesit rajonalë.
“Rreth orës 12:22 jemi njoftuar nga zyrtarët policorë të angazhuar në një qendrën të votimit në një shkollë në Shtime, se një qytetar ka dëmtuar fletëvotimin e tij dhe ka tentuar të votojë edhe në emër të bashkëshortes së tij. Lidhur me rastin janë njoftuar hetuesit rajonalë, të cilët kanë dalë në vendin e ngjarjes dhe janë duke ndërmarrë veprimet e nevojshme hetimore. Për informata dhe zhvillime të tjera lidhur me këtë rast, do të njoftoheni me raport vijues”, ka deklaruar ai.