Telenews

Si nisi ‘krisja’ e Plisave me FSHF-në? Federata anulon biletat për tifozët nga Prishtina, ata mbërrijnë në Tiranë (FOTO)

“Plisat”, tifogrupi nga Prishtina nuk do jenë prezent në “Air Albania” për ndeshjen kundër Ishujve Faroe, këtë mbrëmje më 20:45 në Tiranë. Mësohet se Federata Shqiptare e Futbollit nuk i ka akorduar biletat për grupin, kjo siç ndodh në çdo duel për ultrasit e kuqezinjve.

Mësohet se banderola e shpalosur nga “Plisat” në ndeshjen kundër Çekisë ka sjellë “krisjen” mes palëve. “Mallkue qoftë kush s’na do bashkë”, kjo duket se është fraza që ka bërë FSHF-në t’i përjashtojë ata.

“Plisat” janë grupimi nga Prishtina që nuk e ka pranuar dhe mbështetur asnjëherë përfaqësuesen e Kosovës në stadium, duke qenë kundër dy skuadrave që në gjenezë.

Përtej përjashtimit, duket se pjesëtarë të “Plisave” do jenë në stadium, teksa ata kanë shpërndarë edhe foto që tanimë janë në kryeqytetin e Shqipërisë. /Telenews.al/

Të ngajshme

Dënim i rëndë për Kosovën nga UEFA, FFK-ja gjobitet me mbi 42 mijë euro –

KushtrimGuraj

Befason Elseid Hysaj, pranë kalimit te gjiganti anglez Manchester United –

KushtrimGuraj

Barcelona i vë syrin yllit të Dortmundit, por ka një pengesë për transferimin në janar

Rrezarta Ramaj
Lajmet po ngarkohen…