Emisari i Bashkimit Evropian për dialogun Kosovë-Serbi, Peter Sorensen, ka nisur një vizitë zyrtare në Kosovë – të dytën me radhë që kur mori detyrën në këtë post.
Lajmin e ka konfirmuar këshilltari i zëvendëskryeministrin Besnik Bislimi, Klisman Kadiu, i cili tha se Sorensen do të takohet me Bislimin, takim ky që pritet të fokusohet në zhvillimet e fundit lidhur me procesin e dialogut dhe sfidat që mbesin përpara.
Vizita e Sorensen vjen një muaj pas takimeve të tij të mëparshme me liderët institucionalë të vendit, ku ai kishte theksuar rëndësinë e përparimit në dialog dhe zbatimin e marrëveshjeve ekzistuese.