Kuvendi i Kosovës sot do të mblidhet prapë për t’i vazhduar pikat e mbetura nga dje.
Në seancën e sotme në rend dite është edhe shqyrtimi i mocionit për shkarkimin e bordit të Zyrës së Rregullatorit të Energjisë.
Ndërsa, pikat e tjera të rendit të ditës janë shqyrtimi i Projektligjit për Agjencinë për parandalimin e korrupsionit dhe shqyrtimi i Projektligjit për deklarimin, prejardhjen dhe kontrollin e pasurisë dhe dhuratave.
Dje kuvendi me 47 vota kundër dhe 24 pro hodhi poshtë rezolutën e propozuar nga LDK-ja me anë të së cilës propozohej reduktimi i akcizës dhe normës së TVSH-së për derivate dhe produktet e domosdoshme.