Konflikti mes Izraelit dhe Iranit ka hyrë në një fazë të re përshkallëzimi të dielën, me të dyja palët që po kryejnë sulme intensive ajrore dhe raketore ndaj objektivave strategjike të njëra-tjetrës, shkruan Gazeta Sinjali.
Ushtria izraelite ka njoftuar se Forcat Ajrore të saj kanë nisur një valë të re sulmesh ndaj caqeve ushtarake në perëndim të Iranit, pasi janë identifikuar lëshime të reja raketash iraniane drejt territorit izraelit.
Në të njëjtën kohë, Irani ka sulmuar disa objektiva të rëndësishëm në Izrael, përfshirë aeroportin ndërkombëtar Ben Gurion, baza ushtarake mbështetëse, qendra komande dhe kontrolli, si dhe një qendër kërkimore biologjike.
Sipas mediave shtetërore iraniane, Trupat e Gardës Revolucionare Islamike (IRGC) kanë përdorur raketa me rreze të gjatë veprimi për goditjet e tyre.